50 ஆண்டுகளில் சஹாரா பாலைவனத்தில் வெள்ளப் பெருக்கு ஏற்படுவது இதுவே முதல்முறை.
சஹாரா பாலைவனத்தில் வெள்ளப்பெருக்கு ஏற்பட்டுள்ளது. கடந்த 50 ஆண்டுகளில் சஹாரா ரா பாலைவனப் பகுதியில் வெள்ளம் ஏற்படுவது இதுவே முதல்முறை.
ஆபிரிக்க கண்டத்தில் மொராக்கோவின் தென்கிழக்குப் பகுதியில் உள்ள சஹாரா பாலைவனம் தான் உலகின் மிகவும் வறண்ட பாலைவனமாக அறியப்படுகிறது.
பல கொடிய விஷம் மிகுந்த ஊர்வன உயிரினங்களைக் கொண்டது இப்பாலை வனம்.
சஹாராவில் மழை வெள்ளம் என்பது அரிதினும் அரிது.
அந்த வகையில் அண்மையில் அங்கு பெய்த திடீர் மழையால் வெள்ளம் ஏற்பட்டுள்ளது.
ஓராண்டில் பெய்ய வேண்டிய மழை ஓரிரு நாட்களில் பெய்ததால் சஹாரா பாலை வனத்தில் வெள்ளம் ஏற்பட்டுள்ளது.
இந்த திடீர் கனமழையால் சஹாரா பாலைவனத்தில் உள்ள இரிக்கி என்ற வறண்ட ஏரியில் நீர் நிரம்பியுள்ளது.
இந்த வறண்ட சஹாராவில் ஜகோரா - டாடா மணல் படுக்கைகளுக்கு இடையே உள்ளது.
இந்த நிலையில் திடீர் மழை வெள்ளத்தால் நிரம்பிய இரிக்கி ஏரியின் காட்சிகள் கொண்ட புகைப்படங்களை நாசா வெளியிட்டுள்ளது.
"குறைந்த நேரத்தில் இத்தனை பெரிய மழைப்பொழிவு பதிவாகி 30 முதல் 50 ஆண்டு காலம் ஆகிவிட்டது.
தலைநகர் ரபாட்டாவில் இருந்து 450 கிலோ மீற்றர் தொலைவில் உள்ள டாகோயுனைட் கிராமத்தில் பெய்த கனமழையால் இந்த வெள்ளம் ஏற்பட்டுள்ளது.
அங்கு 24 மணி நேரத்தில் 100 மில்லி மீற்றர் மழைப் பொழிவு பதிவாகியுள்ளது" என்று மொராக்கோ நாட்டு வானிலை ஆய்வு மையம் தெரிவித்துள்ளது.
அண்மைய பதிவுகள்
