யாழ்.மாவட்டத்தில் முகக்கவசம் அணிந்து தொடர் திருட்டில் ஈடுபட்டவரை பொலிஸார் அடையாளம் கண்டுள்ளனர்.
யாழ்.மாவட்டத்தில் முகக்கவசம் அணிந்து தொடர் திருட்டில் ஈடுபட்டு வந்த நபர் ஒருவரை பொலிஸார் சி.சி. ரி.வி கமரா மூலம் அடையாளம் கண்டுள்ளனர்.
கோப்பாய்,யாழ்ப்பாணம் பகுதிகளில் இரவு வேளையில் தொடர்ச்சியாக திருட்டில் ஈடுபட்டு வந்தவரே இவ்வாறு சி.சி.ரி.வி கமராவில் அடையாளம் காணப்பட்டுள்ளார்.
குறித்த நபர் இரவு 1 மணி தொடக்கம் 3மணி இடைவெளியில் முகக்கவசம் அணிந்து சைக்கிளில் நடமாடுவதாகவும் இதுவரையான காலப்பகுதியில் 8 வீடுகளில் திருட்டு நடவடிக்கைகளில் ஈடுபட்டுள்ளார் எனவும் முதற்கட்ட விசாரணையில் தெரிய யவந்துள்ளது.
மேலும் கடந்த வாரமளவில் யாழ். செட்டிதெரு வீதியிலும் திருட்டு சம்பவமொன்று பதிவு செய்யப்பட்டுள்ளது.
வங்கி, நிதி நிறுவனங்கள், கம்பனிகளில் பணி புரிவோர் மற்றும் வைத்தியர்களின் வீடுகளிலேயே இவ்வாறு திருட்டுச் சம்பவங்கள் பதிவாகியுள்ளது.
எனவே பொதுமக்கள் இது குறித்து அவதானமாக இருக்குமாறும் சம்பவம் தொடர்பில் பொதுமக்கள் சந்தேக நபரை கைது செய்ய உதவுமாறும் பொலிஸார் கோரிக்கை விடுத்துள்ளனர்.
அண்மைய பதிவுகள்
