அமெரிக்க அதிபரின் உருவத்தை புத்தர் போல உருவாக்கி அதை சீனக் கலைஞர் ஒன்லைனில் விற்பனை செய்து வருகின்றார்.

அமெரிக்க அதிபரான டொனால்ட் டிரம்ப்பின் உருவத்தை புத்தர் போல உருவாக்கி அதை சீனக் கைவினைக் கலைஞர் ஒருவர் ஒன்லைனில் விற்பனை செய்து வருகின்றனர்.

சீனாவைச் சேர்ந்த பீங்கான் உருவ வடிவமைப்பாளரும் சிற்பியுமான ஹாங் ஜின்ஷி புத்தர் வடிவிலான டிரம்ப் சிலைகள் உருவாக்கியுள்ள நிலையில் அது உலகளவில் கவனத்தை ஈர்த்துள்ளன.

புத்தர் வடிவிலான டொனால்ட் டிரம்ப் சிலைகள்... ஒன்லைனில் பல லட்சத்திற்கு விற்பனை.

சீனக் கைவினைக் கலைஞர் ஹாங் ஜின்ஷியின் சிலைகள், 140 டொலர்கள் முதல் 2,700 டொலர்கள் வரை விலை நிர்ணயம் செய்யப்பட்டுள்ளன.

கலை மற்றும் அரசியலை இணைக்கும் இந்த பீங்கான் சிலைகள், உலகெங்கிலும் உள்ள சிலை சேகரிப்பாளர்களிடம் அதிக ஆர்வத்தை ஈர்த்துள்ளன. 

999 முதல் 20,000 யுவான்களுக்கு (சுமார் ரூ.11,000 முதல் ரூ.2.30 லட்சம் வரை) அவற்றின் அளவைப் பொறுத்து ஹாங் ஜின்ஷி விலை நிர்ணயம் செய்துள்ளார். 

இந்த சிலைகள் அமேசான் மற்றும் சீன இணையதள விற்பனை நிறுவனமான டெழுவில் விற்பனைக்கு உள்ளன. 

இது தொடர்பில் 47 வயதான ஹாங் ஜின்ஷி கூறுகையில்,

"தேர்தலில் அவர் வெற்றி பெற்ற பின்னாள்களில் நிறைய ஆர்வம் இருந்தது.

முதலில் சிலைகளை நகைச்சுவைக்காக வடிவமைத்தேன். ஆனால், கடந்த சில ஆண்டுகளில் நூற்றுக்கணக்கான பீங்கான் சிலைகளை உருவாக்கியுள்ளேன்.

டிரம்பின் செயல் முறையும் புத்தர் சிலையின் வடிவமும் இரண்டு எதிரெதிர் வடிவங்கள் என்பதால் வாடிக்கையாளர்கள் புன்னகையுடன் வாங்கிச் செல்கின்றனர்" என தெரிவித்துள்ளார்