முல்லைத்தீவு, முள்ளிவாய்க்காலில் கிணற்றில் தவறி வீழ்ந்து இளைஞன் ஒருவர் உயிரிழந்தார்
1 month ago
முல்லைத்தீவு, முள்ளிவாய்க்காலில் கிணற்றில் தவறி வீழ்ந்து இளைஞன் ஒருவர் உயிரிழந்துள்ளார் என்று முல்லைத்தீவு பொலிஸார் தெரிவித்தனர்.
இந்த சம்பவம் நேற்று திங்கட்கிழமை (02) காலை இடம்பெற்றுள்ளது.
உயிரிழந்தவர் முல்லைத்தீவு, முள்ளிவாய்க்கால் பிரதேசத்தைச் சேர்ந்த 32 வயதுடைய இளைஞன் ஆவார்.
உயிரிழந்த இளைஞன் தனது தாயுடன் வசித்து வந்துள்ள நிலையில் உயிரிழந்துள்ளார்.
சம்பவ தினத்தன்று தாய் வீட்டில் இருந்து வெளியே சென்று மீண்டும் வீடு திரும்பிய போது இளைஞன் வீட்டுக்கு அருகில் உள்ள 15 அடி ஆழமுடைய கிணற்றில் வீழ்ந்து உயிரிழந்திருப்பதை கண்டுள்ளார்.
இதனையடுத்துப் பொலிஸாருக்குத் தெரியப்படுத்தியுள்ளார்.
இது தொடர்பான மேலதிக விசாரணைகளை முல்லைத்தீவு பொலிஸார் மேற்கொண்டு வருகின்றனர்.
அண்மைய பதிவுகள்
