கல்முனையில் கேரளக் கஞ்சாவுடன் கைது செய்யப்பட்ட இரு சந்தேக நபர்கள் கிளிநொச்சியைச் சேர்ந்தவர்கள்
மட்டக்களப்பு கல்முனையில் கேரளக் கஞ்சாவுடன் கைது செய்யப்பட்ட இரு சந்தேக நபர்கள் கிளிநொச்சியைச் சேர்ந்தவர்கள்.
கிடைக்கப்பெற்ற இரகசிய தகவலை அடுத்து மாறுவேடத்தில் சென்ற கல்முனை விசேட அதிரடிப் படையினர் துறை நீலாவணை பகுதியில் வைத்து குறித்த நபர்களை கைது செய்தனர்.
இவ்வாறு கைது செய்யப்பட்ட சந்தேக நபர்கள் உட்பட ஒரு தொகை கேரளக் கஞ்சா மற்றும் கைத்தொலைபேசி, மோட்டார் சைக்கிள் உள்ளிட்ட சான்றுப்பொருட்கள் யாவும் களுவாஞ்சிகுடி பொலிஸாரிடம் ஒப்படைக்கப்பட்டன.
43 மற்றும் 39 வயதுடைய இரு சந்தேக நபர்களும் கிளிநொச்சி மத்திய முகாம் பகுதியைச் சேர்ந்தவர்களாவர்.
குறித்த கேரளக் கஞ்சா கிளிநொச்சி பகுதியில் இருந்து பேருந்து ஊடாக கடத்தப்பட்டு பின்னர் மோட்டார் சைக்கிளில் வாடிக்கையாளர்களுக்கு விநியோகிக்கப்படுகின்றன.
இது தொடர்பான மேலதிக விசாரணைகளை களுவாஞ்சிக்குடி பொலிஸார் மேற்கொண்டு வருகின்றனர்.
மேலும், இந்தக் கைது நடவடிக்கையானது கல்முனை விசேட அதிரடிப் படை முகாம் பொறுப்பதிகாரி ஆர். ஏ. டி. சி. எஸ். ரத்நாயக்கவின் பணிப்புரைக்கமைய முன்னெடுக்கப்பட்டுள்ளது.
அண்மைய பதிவுகள்
