இலங்கைக் கடலை பாதுகாக்க அவுஸ்திரேலியா அரசாங்கம் நவீன விசைப்படகு ஒன்றை வழங்கியது
இலங்கைக் கடற்பகுதிகளின் பாதுகாப்பை உறுதிப்படுத்தும் வகையில் அவுஸ்திரேலியா அரசாங்கம் நவீன ட்ரோன்கள் பொருத்தப்பட்ட விசைப்படகு ஒன்றை வழங்கியுள்ளது.
அவுஸ்திரேலியாவின் துணைப் பிரதமரும், பாதுகாப்பு அமைச்சருமான ரிச்சர்ட் மார்லஸ் இலங்கைக்குப் பயணம் மேற்கொண்டுள்ளார்.
ஜனாதிபதி, பிரதமர், வெளிவிவகார அமைச்சர் உள்ளிட்ட தரப்பினரைச் சந்தித்த அவர், இலங்கைக்கும் அவுஸ்திரேலியாவுக்கும் இடையிலான கடல்சார் பாதுகாப்பு ஒத்துழைப்புகள் தொடர்பில் வலியுறுத்தியிருந்தார்.
இதன் தொடர்ச்சியாகவே, நீண்டதூரம் பறக்கக்கூடிய நவீன கண்காணிப்பு ட்ரோன்கள் பொருத்தப்பட்ட விசைப் படகை அவுஸ்திரேலிய அரசாங்கம் இலங்கைக்கு வழங்கியுள்ளது.
இலங்கையின் கடற்பரப்பில் இடம்பெறும் சட்ட விரோத வர்த்தகங்கள், போதைப்பொருள் கடத்தல்கள் மற்றும் சட்டவிரோத குடியேற்றங்கள் ஆகியவற்றைக் கட்டுப்படுத்துவதற்கான உதவியாகவே இந்த ட்ரோன்கள் பொருத்தப்பட்ட விசைப்படகு வழங்கப்பட்டுள்ளது.
இந்த விசைப்படகும், ட்ரோன்களும் 12 மில்லியன் ரூபா பெறுமதியானவை என்றும் தெரிவிக்கப்பட்டுள்ளது.
அண்மைய பதிவுகள்
