பாகிஸ்தானில் பயங்கரவாதிகள், பாதுகாப்புப் படையினர் இடையே நடந்த மோதலில் 35 பேர் உயிரிழந்தனர்.

பாகிஸ்தானில் பயங்கரவாதிகள், பாதுகாப்புப் படையினர் இடையே நடந்த மோதலில் 35 பேர் உயிரிழந்தனர்.

பாகிஸ்தானின் பலூசிஸ் தான் மாகாணத்தின் முசாகெல் மாவட்டத்தில் பயங்கரவாதத் தாக்குதல் நடைபெற்றது. முசாகெல் மாவட்டத்தில் ரரஷம் என்ற பகுதியில் சென்று கொண்டிருந்த பேருந்தில் பயணித்த பயணிகள் மீது பயங்கரவாதிகள் தாக்குதல் நடத்தினர். பேருந்தை இடைமறித்த பயங்கரவாதிகள் அதில் பயணம் செய்த பஞ்சாப் மாகாணத்தைச் சேர்ந்த புலம்பெயர் தொழிலாளர்களை குறிவைத்து தாக்குதல் நடத்தினர். இந்தத் தாக்குதலில் 23 பேர் கொல்லப்பட்டனர். இந்தத் தாக்குதலுக்கு பலூசிஸ்தான் விடுதலை இராணுவம் என்ற கிளர்ச்சிக்குழு பொறுப்பேற்றது.

இந்தப் பயங்கரவாதத் தாக்குதலை தொடர்ந்து பலூசிஸ்தான் மாகாணத்தில் பாதுகாப்புப் படையினர் தேடுதல் வேட்டையில் ஈடுபட்டனர். அப்போது, பாதுகாப்புப் படையினருக்கும் பயங்கரவாதிகளுக்கும் இடையே துப்பாக்கிச் சண்டை ஏற்பட்டது. இந்த துப்பாக்கிச் சண்டை மோதலில் பயங்கரவாதிகள் 21 பேர், பாதுகாப்புப் படையினர் 14 பேர் என 35 பேர் உயிரிழந்தனர்.

பயங்கரவாத ஒழிப்பு நடவடிக்கை தொடர்ந்து நடைபெறும் என பாகிஸ்தான் இராணுவம் தெரிவித்துள்ளது.