திருகோணமலையில் மதுப் பாவனைக்கு அடிமையான கணவனை திருத்த முயற்சித்த மனைவி உட லில் தீப்பற்றி உயிரிழந்தார்.
இதன் போது பாலையூற்று, திருகோணமலையைச் சேர்ந்த பிரதீபன் நளினி (வயது 31) என்ற ஒரு பிள்ளையின் தாயே இவ்வாறு உயிரிழந்துள்ளார்.
இச்சம்பவம் குறித்து மேலும் தெரியவருகையில்,
குறித்த பெண்ணின் கணவர் தினமும் மது அருந்தி வந்துள்ளார். இந்நிலையில் அவரை திருத்துவதற்காக குறித்த பெண் கடந்த 21ஆம் திகதி தனது உடலில் மண்ணெண்ணெயை ஊற்றிவிட்டு தீப்பெட்டியில் இருந்து தீ மூட்டுவேன் என்று கணவனை மிரட்டிக்கொண்டிருந்த வேளை திடீரென்று அவர்மீது தீப்பற்றியது.
அவரை காப்பாற்ற முயன்ற கணவனின் மீதும் தீப்பற்றியது.
இதன்போது இருவரும் திருகோணமலை வைத்தியசாலையில் சேர்க்கப்பட்டனர்.
மனைவியை பின்னர் மேலதிக சிகிச்சைக்காக கடந்த 27ஆம் திகதி யாழ்ப்பாணம் போதனா வைத்தியசாலையில் சேர்க்கப்பட்ட நிலையில் சிகிச்சை பலனின்றி அவர் நேற்றுமுன்தினம் உயிரிழந்தார்.
மரண விசாரணை அதிகாரி நமசிவாயம் பிறேம்குமார் மேற்கொண்டார் உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டது.
அண்மைய பதிவுகள்
