கிழக்குப் பல்கலைக்கழகத்தின் 2023ஆம் ஆண்டுக்கான 28 ஆவது பொதுப் பட்டமளிப்பு விழா கடந்த சனி, ஞாயிறு நடைபெற்றது.

கிழக்குப் பல்கலைக்கழகத்தின் 2023ஆம் ஆண்டுக்கான 28 ஆவது பொதுப் பட்டமளிப்பு விழா நேற்று முன்தினம் சனிக்கிழமையும் நேற்று ஞாயிற்றுக்கிழமையும் நடைபெற்றது.

இதில் வரலாற்றில் முதல் தடவையாக அதிகூடிய எண்ணிக்கையிலான (2340) மாணவர்கள் பட்டம் பெற்றுள்ளனர்.

கிழக்குப் பல்கலைக்கழகத்தின் துணைவேந்தர் வல்லிபுரம் கனகசிங்கம் ஒருங்கிணைப்பில் நல்லையா ஞாபகார்த்த              மண்டபத்தில் பட்டமளிப்பு விழா நடை பெற்றது.

கிழக்குப் பல்கலைக்கழகத்தின் வேந்தர் மா. செல்வராஜா பட்டமளிப்பு விழாவுக்கு தலைமை தாங்கியதுடன் பட்டதாரிகளின் பட்டங்களையும் உறுதி                   செய்துள்ளார்.

யாழ். இந்தியத் துணைத் தூதுவர் சாய் முரளி பிரதம விருந்தினராக கலந்து சிறப்பித்தார்.

வரலாற்றில் முதல் தடவையாக அதிகூடிய எண்ணிக்கையிலான மாணவர்கள் இம்முறை பட்டம் பெற்றுள்ளனர்.

2340 உள்வாரி, வெளிவாரி, கலாநிதி மற்றும் பட்டப்பின் படிப்பு பட்டங்கள் இம்முறை பொதுப் பட்டமளிப்பு  விழாவில் வழங்க உறுதி  செய்யப்பட்டுள்ளதாக கிழக்கு பல்கலைக்கழக துணைவேந்தர் கனகசிங்கம் தெரிவித்தார்.

பட்டமளிப்பு விழாவின் முதல் நாளில் முதலாவது அமர்வின் போது இரு கலாநிதிப் பட்டங்கள், ஒரு முதுதத்துவ மாணி, இரு விஞ்ஞான கல்வியில் முதுமாணி, ஒரு விவசாய விஞ்ஞானத்தில் முதுமாணி, 58 கல்வியியல் முதுமாணி, 04 கலை முதுமாணி, 05 வியாபார நிர்வாக முதுமாணி, 31 அபிவிருத்தி பொருளியல் முதுமாணி மற்றும் 153 இளங்கலைமாணி பட்டங்கள் (வைத்தியமாணி, சத்திர சிகிச்சைமாணி, சிறப்பு தாதியியல் விஞ்ஞானமாணி, தாதியியல் விஞ்ஞானமாணி, சிறப்பு விவசாய விஞ்ஞானமாணி, விவசாய விஞ்ஞானமாணி) வழங்கப்பட்டன.

வணிக நிர்வாகமாணி, சிறப்பு வணிக நிர்வாகமாணி, சந்தைப் படுத்தல் முகாமைத்துவத்தில் சிறப்பு வணிக நிர்வாகமாணி, மனிதவள முகாமைத்துவத்தில் சிறப்பு வணிக நிர்வாகமாணி, சிறப்பு வணிகவியல்மாணி, வணிகவியல்மாணி, கணக்கீடு மற்றும் நிதியியல் சிறப்பு            வணிகவியல் மாணி, வணிக  பொருளியல் சிறப்பு வணிகவியல் மாணி, விஞ்ஞானமாணி, சிறப்பு விஞ்ஞானமாணி எனும் வகையில் 333 பட்டங்களும்,

சித்த மருத்துவம் - சத்திர சிகிச்சை இளமாணி, சிறப்பு விஞ்ஞான மாணி, கணினி விஞ்ஞானமாணி விவசாய தொழில்நுட்பம் மற்றும் முயற்சியாண்மையில் உயிர் முறைமைகள் தொழில்நுட்ப கௌரவ இளமாணி, தொடர் பாடல் கற்கைகளில் கலைமாணி, மொழியியல் கலைமாணி, எனும் வகையில் 424 பட்டங்களும் மற்றும் நுண்கலைமாணி - இசை நுண்கலைமாணி - நடனம். நுண்கலைமாணி - நாடகமும் அரங்கியலும், நுண்கலைமாணி - கட்புலமும் தொழில்நுட்பவியல் கலையும் எனும் வகையில் 204 பட்டங்களும்

முதலாம் நாளில் 2ஆவது 3ஆவது, 4ஆவது அமர்வுகளில் வழங்கப்பட்டன.

மேலும், கல்விமாணி மற்றும் கலைமாணி (விசேட பட்டம்) எனும் வகையில் 321 பட்டங்களும் கலைமாணி (பொதுப்பட்டம்) எனும் வகையில் 740 பட்டங்களும் வியாபார முகாமைத்துவமாணி (வெளிவாரி) எனும் வகையில் 61 பட்டங்களும் 2ஆம் நாளின் முதலாம், இரண்டாம் மற்றும் மூன்றாம் அமர்வுகளில் பட்டதாரிகளுக்கு வழங்கப்பட்டன.