இலங்கைக் கடலில் அத்துமீறி மீன்பிடி நடவடிக்கையில் ஈடுபட்ட 10 இந்திய மீனவர்கள் கைது மீன்பிடிப் படகு ஒன்றும் கைப்பற்றல்
இலங்கைக் கடற்பரப்பினுள் அத்துமீறி நுழைந்து மீன்பிடி நடவடிக்கையில் ஈடுபட்ட 10 இந்திய மீனவர்கள் கைது செய்யப்பட்டுள்ளதுடன் மீன்பிடிப் படகு ஒன்றும் கைப்பற்றப்பட்டுள்ளது என்று பொலிஸார் தெரிவித்துள்ளனர்.
இலங்கைக் கடற்படை மற்றும் கடலோரப் பொலிஸ் படையினர் நேற்று இரவு யாழ். - காரைநகர், கோவளம் கலங்கரை விளக்கத்தில் நடத்திய விசேட சுற்றிவளைப்பின் போதே இந்திய மீனவர்கள் கைது செய்யப்பட்டுள்ளனர்.
வெளிநாட்டு மீன்பிடிப் படகுகளின் சட்டவிரோத மீன்பிடி நடைமுறைகளைக் கட்டுப்படுத்த கடற்படை மற்றும் கடலோரப் பொலிஸ் படையினர் இலங்கைக் கடற்பரப்பில் ரோந்து நடவடிக்கைகளை மேற்கொண்டு வருகின்றனர்.
இதன்படி காரைநகர், கோவளம் கலங்கரை விளக்கத்துக்கு அப்பால் இலங்கைக் கடற்பரப்பில் அத்துமீறி மீன்பிடியில் ஈடுபடுவதைக் கண்டறிந்த கடற்படை மற்றும் கடலோரப் பொலிஸ் படையினர் இந்திய மீன்பிடிப் படகைக் கைப்பற்றியுள்ளனர்.
கைது செய்யப்பட்ட மீனவர்கள் மேலதிக சட்ட நடவடிக்கைக்காக யாழ். கடற்றொழில் நீரியல் வளத்திணைக்களத்தினரிடம் ஒப்படைக்கப்பட்டுள்ளனர்.
அண்மைய பதிவுகள்
