யாழில் பதிவற்ற மோட்டார் சைக்கிளும் , 5 வாள்களும் கைப்பற்றப்பட்டன
யாழ்ப்பாணத்தில் பதிவற்ற மோட்டார் சைக்கிள் ஒன்றும், 5 வாள்களும் நேற்று அதிகாலை கைப்பற்றப்பட்டுள்ளன என்று யாழ். பொலிஸார் தெரிவித்தனர்.
யாழ். நகர்ப் பகுதியில் விசேட ரோந்துப் பணிகளில் ஈடுபட்டிருந்த பொலிஸார் சந்தேகத்துக்கிடமான முறையில் பயணித்த மோட்டார் சைக்கிளை மறித்துச் சோதனையிட்டனர்.
இதன்போது குறித்த மோட்டார் சைக்கிள் வாகனப் பதிவு இன்றி பயணித்தமை தெரியவந்தது.
இதையடுத்து சந்தேக நபரான நவாலி பகுதியைச் சேர்ந்த இளைஞர் ஒருவர் கைது செய்யப்பட்டு விசாரணைகளைப் பொலிஸார் முன்னெடுத்தனர்.
இதன்போது சந்தேக நபரிடம் முன்னெடுக்கப்பட்ட விசாரணைகளின் பிரகாரம் பல்வேறு திடுக்கிடும் தகவல்கள் பொலிஸாருக்குத் தெரியவந்துள்ளது.
இதற்கமைய மேற்படி சந்தேகநபரின் வீட்டிலிருந்து ஐந்து வாள்களையும் பொலிஸார் மீட்டுள்ளதுடன் தொடர்ந்தும் விசாரணைகளை முன்னெடுத்து வருகின்றமை குறிப்பிடத்தக்கது.
அண்மைய பதிவுகள்
