வவுனியா பொருளாதார மத்திய நிலையம் 06 ஆண்டுகளுக்கு மேலாக திறக்கப்படாத நிலையில்.-- விவசாயிகள் விசனம்

வவுனியா பொருளாதார மத்திய நிலையம் கடந்த ஆறு ஆண்டுகளுக்கு மேலாகப் புதிதாக அமைக்கப்பட்டு திறக்கப்படாத நிலையில் காணப்பட்டு                  வருகின்றது.

இந்நிலையில், இந்தப் பொருளாதார மத்திய நிலையத்தைப் பகிரங்க கேள்வி கோரல் மூலமாக வழங்கி அதனைச் செயற்படுத்த வேண்டும் என்று விவசாயிகள் கோரிக்கை விடுக்கின்றனர்.

குறிப்பாக 295 மில்லியன் ரூபா செலவில் அப்போதைய பொருளாதார அபிவிருத்தி அமைச்சின் ஊடாக அமைக்கப்பட்ட குறித்த பொருளாதார மத்திய நிலையம் வவுனியா மாவட்ட விவசாயிகளுக்கு நன்மை பயக்கும் வகையிலும் அமைக்கப்பட்டிருந்தது.

ஓமந்தையில் அமைப்பதா? தாண்டிக் குளத்தில் அமைப்பதா? என்று    அரசியல்வாதிகளின் பல்வேறு இழுபறிகளுக்கு மத்தியில் மூன்று முறிப்பு பகுதியில் அமைக்கப்பட்ட குறித்த பொருளாதார மத்திய நிலையமானது இதுவரை திறக்கப்படாத நிலையில் கட்டடம் சேதமடையும் நிலையில் காட்சியளித்து வருகின்றது.

இந்நிலையில், குறித்த பொருளாதார மத்திய நிலையத்தைப் பகிரங்க கேள்வி கோரலூடாக வழங்கும் பட்சத்தில் விவசாயிகள் நியாயமான விலைக்கு தமது உற்பத்திப்   ்பொருட்களை வழங்க முடியும் எனத் தெரிவிக்கின்றனர்.

இதேவேளை, தற்போது வவுனியாவில் உள்ள மொத்த மரக்கறி கொள்முதலாளர்கள் சர்வாதிகாரப் போக்கோடு செயற்படுகின்றனர் எனவும், 10 வீதம் என்ற தரகுப் பணத்தைப் பெரும் நிலை காணப்படுவதோடு சில வேளைகளில் பொருட்கள் விற்பனை செய்யப்படவில்லை என விவசாயிகளிடம் பணம் வழங்கப்படாத நிகழ்வுகளும் சம்பவிக்கின்றது.

எனவே, பகிரங்க கேள்விக்        ் கோரலுக்கு உட்படுத்துகின்ற போது விவசாயிகளின் பொருட்களுக்கு நியாயமான விலை கிடைக்கும் என விவசாயிகள் தெரிவிக்கின்றனர்.

இந்த விடயம் தொடர்பில் விவசாய அமைச்சரும் புதிய அரசும் ஆவன செய்ய வேண்டும் எனவும் விவசாயிகள் கோரிக்கை விடுத்துள்ளனர்.