உற்பத்தியாளர்களை இலங்கைக்கு ஈர்ப்பதில் வெளிப்படைத்தன்மை மற்றும் நிர்வாகச் சீர்திருத்தங்கள் அவசியம். அமெரிக்கத் தூதுவர் தெரிவிப்பு
உற்பத்தியாளர்களை இலங்கைக்கு ஈர்ப்பதில் வெளிப்படைத்தன்மை மற்றும் நிர்வாகச் சீர்திருத்தங்கள் அவசியமானவை என இலங்கைக்கான அமெரிக்கத் தூதுவர் ஜூலி சங் தெரிவித்துள்ளார்.
புதிய அரசாங்கத்தால் முதலீட்டு சூழலை வலுப்படுத்தவும், ஊழல் எதிர்ப்பு நடவடிக்கைகளை அமுல்படுத்தவும், வர்த்தக நட்பு ஆட்சி மற்றும் வெளிப்படைத் தன்மையை வலுப்படுத்தவும் முடிந்தால் நாட்டில் முதலீடு செய்ய சர்வதேச உற்பத்தியாளர்கள் தயாராக இருப்பதாகவும் அவர் கூறினார்.
இலங்கையில் இந்தியானாவை தளமாகக் கொண்ட ஷீல்ட் நிறுவனத்தின் புதிய சீட்பெல்ட் தொழிற்சாலைக்கான அடிக்கல் நாட்டும் நிகழ்வில் கலந்து கொண்டு உரையாற்றும் போதே அவர் இவ்வாறு கூறியுள்ளார்.
இங்கு மேலும் கருத்து வெளியிட்ட அமெரிக்கத் தூதுவர் ஜூலி சங்,
இலங்கையில் உற்பத்தி நிலையத்தை நிறுவுவதற்காக ஷீல்ட் நிறுவனம் எடுத்த முடிவு இலங்கையில் அமெரிக்க முதலீட் டையும் அதிகரிக்கும்.
அமெரிக்கா ஏற்கனவே இலங்கைக்கான மிகப்பெரிய ஏற்றுமதி சந்தையாக உள்ளது.
இங்கு நேரடியாக அதிக அமெரிக்க முதலீட்டைப் பார்ப்பது அற்புதமானது.
வரவிருக்கும் ஆண்டுகளில் இரு தரப்பு வர்த்தகம் மற்றும் முதலீடு இரு வழிகளிலும் விரிவடைவதைக் காண விரும்புகிறோம்.
வலுப்படுத்தவும், ஊழலுக்கு எதிரான நடவடிக்கைகளை செயல்படுத்தவும், வணிக நட்பு ஆட்சி மற்றும் வெளிப்படைத் தன்மையை வலுப்படுத்தவும் முடிந்தால் இன்னும் அதிகமான முதலீட்டாளர்களை ஈர்க்க முடியும்.
முதலீட்டுச் சூழல் வலுவாக இருந்தால் நிறுவனங்கள் வரும் என்று நான் உறுதியாக நம்புகிறேன்.
அமெரிக்காவிற்கும் இலங்கைக்கும் இடையிலான பங்காளித்துவமானது பகிரப்பட்ட இலக்குகள் மற்றும் பரஸ்பர மரியாதையின் அடிப்படையில் கட்டமைக்கப்பட்டுள்ளது.
விவசாயிகளின் பயிர் விளைச்சலை அதிகரிப்பதில் இருந்து, கொழும்பில் உள்ள நகர்ப்புற ஏழைகளுக்கு தீர்வுக்காண பாடசாலைகளுக்கு மதிய உணவு திட்டத்தை விரிவுபடுத்தியது முதல் பல்வேறு ஒத்துழைப்புகளை அமெரிக்கா வழங்கி வருகிறது.
இலங்கையின் கடல் பாதுகாப்பை வலுப்படுத்தல், பொருளாதார வளர்ச்சியை மேம்படுத்துதல் மற்றும் பிராந்திய ஸ்திரத்தன்மையை உறுதி செய்வதற்கும் அமெரிக்கா ஒத்துழைப்புகளை வழங்கி வருகிறது - என்றார்.
புதிய அரசாங்கம் முதலீட்டு சூழலை
அண்மைய பதிவுகள்
