பிரிட்டிஷ் கொலம்பியா வொஷிங்டன் மாநிலம் வரை பூகம்ப பேராபத்து

பூமிக் கிரகத்தில் சில சக்திவாய்ந்த பூகம்பங்களை உருவாக்கும் திறன் கொண்ட ஒரு பகுதியில் கடற்பரப்பிற்கு அடியில் என்ன நடக்கிறது என்பது பற்றிய ஒரு புதிய ஆய்வு, தெற்கு பிரிட்டிஷ் கொலம்பியா முதல் வொஷிங்டன் மாநிலம் வரை பூகம்பப் பேராபத்து இருப்பது பற்றிய எச்சரிக்கையைத் தந்துள்ளது.

அந்த ஆபத்து முன்னர் எதிர்பார்த்ததை விட மிகவும் மோசமானதாக இருக்கும் என எச்சரிக்கப்படுகின்றது.

கனடாவில் அதிக பூகம்பப் பேராபத்துள்ள பிரதேசமாக பிரிட்டிஷ் கொலம்பியாவே கருதப்படுகின்றது. அதனை ஒட்டிய எச்சரிக்கையே இப் போது வெளியாகியுள்ளது.

புதிய தரவு உண்மையில் அதிர்ச்சிகரமானது' என்று நேச்சுரல் ரிசோர் சஸ் கனடாவின் பூகம்ப நில அதிர்வு நிபுணர் ஜான் காசிடி கூறினார்.

"ஓரிகான், வொஷிங்டன், வான் கூவர் தீவின் கடற்கரையில் என்ன நடக்கிறது என்பதற்கான சில சிறந்த பார்வையை இந்த ஆய்வு வழங்குகிறது என்றும் கூறப்பட்டது.

பிரிட்டிஷ் கொலம்பியாவின் தென் கடற்கரையானது, வான்கூவர் தீவின் கடற்கரையிலிருந்து வடக்கு கலிபோர்னியா வரை சுமார் ஆயிரம் கிலோ மீற்றர் காஸ்காடியா சப்டக்ஷன் சோன் எனப்படும் பகுதியில் தவறான கட்டமைப்பில் பரவியுள்ளது.

இந்த பகுதியில், கடல் தளத்தின் கீழ் உள்ள டெக்டோனிக் தகடுகள் வட அமெரிக்க தட்டுக்கு கீழ் மெதுவாக சறுக்கி வருகின்றன.

அத்தகைய செயல்முறையினால் கட்டமைக்கப்பட்ட அழுத்தம் இறுதியில் திடீர், சக்திவாய்ந்த பூகம்பங்களாக வெளிப்படுவதை விஞ்ஞானிகள் நீண்ட காலமாக அறிந்திருக்கின்றனர்.

ஆயினும் காஸ்காடியா மண்டலத்தில் உள்ள குறிப்பிட்ட கடலுக்கடியில் நிலைமைகள் பற்றிய அவர்களின் அறிவு, இப்போது வரை, 'தெளிவில்லாதது' என்று கொலம்பியா பல்கலைக்கழக கடல் புவி இயற்பியலாளரும் ஆய்வு இணை ஆசிரியருமான சுசான் கார்போட் விளக்கினார்.

புவியியல் ரீதியாகக் கடும் செயற்பாடுகளைக் கொண்ட இந்தப் பகுதியின் விரிவான வரைபடங்களை ஸ்கான் செய்வதற்காக 5,500 கிலோ மீட்டர் கடற்பரப்பில் இணைக்கப்பட்ட 1,200 சிறப்பு மைக்ரோஃபோன்களுடன் நீர்ப்புகா கேபிள்களை இழுத்துச் செல்ல ஆராய்ச்சியாளர்கள் 2021 இல் 41 நாள்கள் செலவிட்டு அந்தப் பணியை ஒப்பேற்றினர்.

அந்த ஸ்கானின் தரவுகளின் அடிப்படையில் சர்ச்சைக்குரிய இந்த நிலத்தட்டின் அனைத்து பிரிவுகளும் சமமாக உருவாக்கப்படவில்லை என்பது தெளிவாகின்றது.

தட்டின் தடிப்புக் குறைந்த பகுதிகள் பெரிய நிலநடுக்கங்களின் அச்சுறுத்தலுக்குள்ளாகும் ஆபத்து அதிகம் உண்டு என்பதைத் தெளிவு படுத்தியுள்ளது.

வான்கூவர் தீவு மற்றும் வொஷிங்டன் மாநிலத்தின் ஒலிம்பிக் தீபகற்பத்தின் கடற்கரையில் உள்ள பகுதி, மாறாக, தெற்கே உள்ள பகுதிகளை விட குறிப்பிடத்தக்க வகையில் தட் டையானது மற்றும் மென்மையானது' என்று கார்போட் விளக்கினார்.

அந்த நிலைமைகள் மிகவும் அழிவுகரமான பூகம்பங்களை ஏற்படுத்தும் தொடர்புடைய நிலைமைகளைக் கொண்டுள்ளன என்று கூறப்பட்டது.

இப்பகுதி, முழு காஸ்காடியா துணை மண்டலத்திலும் மிகப்பெரிய பூகம்பங்களுக்கு மிகப்பெரிய ஆற்றலைக் கொண்டுள்ளது என்று ஆராய்ச்சியாளர்கள் முடிவு செய்தனர்.

ஏனென்றால் தட்டுகள் இறுதியில் நழுவும்போது, அவை மற்ற இடங்களை விட ஒரே ஷாட்டில் அதிக தூரம் சரியக்கூடும் என்று காசிடி கூறினார்.

சில பகுதிகள் சில நிமிடங்களில் 20 மீட்டர் சரிவைக் காணலாம், என்று அவர் கூறினார்.

இவ்வளவையும் கணித்த விஞ்ஞான ஆய்வுகள் அடுத்த மெகா நில நடுக்கம் எப்போது வரும் என்று கூற வில்லை.

கடைசி மோசமான பூகம்பம் கடந்த 1700 ஆம் ஆண்டு ஜனவரி மாதம் நிகழ்ந்தது என வரலாற்றுப் பதிவுகள் தெரிவிக்கின்றன.

மேலும் கடந்த 10,000 ஆண்டுகளில் 9.0 ரிக்டர் அளவு வரம்பில் இதுபோன்ற மோசமான 19 நில நடுக்கங்களை விஞ்ஞானிகள் கண்டறிந்துள்ளனர் என காசிடி கூறினார்.

இத்தகைய பாரிய பூகம்பங்கள், ஒவ்வொரு 500 வருடங்களுக்கும் எதிர்பார்க்கப்படுகின்றன.

ஆனால் சான்றுகள் சில இடைவெளிகளை சுமார் 250 ஆண்டுகள் மற்றும் சில 850 வரைக் காட்டியுள்ளன.

ஆனால் அடுத்த நிலநடுக்கம் எப்போது வரும் என்று ஆராய்ச்சியால் கூற முடியாது என்றாலும், அது எங்கு தாக்கும், எங்கு விளைவுகள் மோசமாக இருக்கும் என்பதைப் புரிந்து கொள்ள இது உதவும் என்று காசிடி கூறினார்