வடக்கு லண்டனில் கொடூரம்; தாய், இரண்டு மகள்கள் கொலை!
வடக்கு லண்டனில் தாய் மற்றும் அவரது இரண்டு மகள்களைத் தாக்கிப் படுகொலை செய்த கொடூர சம்பவம் நிகழ்ந்துள்ளது.
பிபிசி விளையாட்டு வர்ணனையாளரான ஜோன் ஹன்ட்டின் மனைவி கரோல் ஹன்ட் (வயது-61), மற்றும் மகள்களான ஹன்னா ஹன்ட் (வயது-28), லூயிஸ் ஹன்ட் (வயது- 25) ஆகியோரே கொல்லப்பட்டவர்களாவர்.
ஹெர்ட்ஃபோர்ட்ஷையரில் உள்ள அவர்களது வீட்டிலேயே இந்தத் துயரச் சம்பவம் இடம்பெற்றுள்ளது.
இந்தத் தாக்குதலை நடத்தியவர் 26 வயதான கைல் கிளிஃபோர்ட், எனவும் அவர் மயானத்தில் காயங்களுடன் இருந்த நிலையில் கைது செய்யப்பட்டுள்ளார் என்றும் தெரிவிக்கப்பட்டுள்ளது.
இவர் இரண்டு வருடங்களுக்கு முன்னர் இராணுவத்தை விட்டு வெளியேறிய சந்தேக நபர் என்று பொலிஸார் தெரிவித்துள்ளனர்.
கைது செய்யப்பட்டவர் காயங்களுக்கு மருத்துவ சிகிச்சை பெற்று வருகிறார்.
அவர் மீது அதிகாரிகளால் துப்பாக்கிச் சூடு நடத்தப்படவில்லை என்றும் பொலிஸார் தெரிவித்தனர்.
அண்மைய பதிவுகள்
