யாழில் சர்வதேச புத்தக திருவிழா ஓகஸ்ட் 9, 10, 11ஆம் திகதிகளில்!
யாழ்ப்பாண சர்வதேச புத்தகத் திருவிழா எதிர்வரும் ஓகஸ்ட் 9ஆம் திகதி முதல் 11ஆம் திகதி வரை மூன்று நாட்கள் யாழ்ப்பாணம் கலாசார மண்டபத்தில் நடைபெறவுள்ளது.
யாழ்ப்பாண வர்த்தக தொழில் துறை மன்றத்தின் ஏற்பாட்டில் இந்த நிகழ்வு நடைபெறவுள்ளது. இது தொடர்பில் நேற்று முன்தினம் நடத்தப்பட்ட செய்தியாளர் சந்திப்பில் தெரிவிக்கப்பட்டவை வருமாறு.
இலங்கையிலிருந்து மட்டு மல்லாமல் பல்வேறு நாடுகளில் இருந்தும் பல்வேறுபட்ட புத்தக விற்பனை நிறுவனங்கள் மற்றும் வெளியீட்டகங்களின் புத்தகங்கள் இந்தக் கண்காட்சியில் காட்சிப்படுத்தப்பட்டு விற்பனை செய்யப்படவுள்ளன.
நாம் நமது உடலுக்கு உடற்பயிற்சி செய்வது போல, வாசிப்பு என்பது நம் மனதுக்கும் புத்திக்கும் ஒரு புத்துணர்ச்சி அளிக்கக்கூடியது. அதிவேகமாக வளர்ந்து வரும் தொழில் நுட்ப இந்த உலகில் நமது சமூகத்தில் வாசிப்பு கலாசாரத்தை மீட்டெடுக்க வேண்டிய தேவை நமக்கு உள்ளது.
அந்த வகையில் மாணவர்கள், பெற்றோர்கள், பொதுமக்களிடையே வாசிப்பை மேம்படுத்தும் பொருட்டு அவர்களுக்கு தேவையான புத்தகங்களை அவர்களிடம் கொண்டு சேர்க்க வேண்டிய கடமைப்பாடு எமக்கு உண்டு.
உள்நாட்டிலும், தேசிய அளவிலும் சர்வதேச அளவிலும் ஆர்வமும் பங்குகொள்ள விருப்பமும் உள்ள புத்தக வெளியீட்டாளர்கள், விற்பனையாளர்களை ஒன்றிணைத்து இந்தப் புத்தகத் திருவிழாவை நடத்துவதற்கான ஏற்பாடுகள் நடைபெற்று வருகின்றன.
ஒவ்வொரு வருடமும் பல புத்தகக் கண்காட்சிகள் நடக்கின்றன. ஆனால், யாழ்ப்பாணத்தில், உள்ளூர் மற்றும் சர்வதேச எழுத்தாளர்களை ஊக்குவிக்கும் வகையில் யாழ்ப்பாண வர்த்தக தொழில்துறை மன்றமானது இந்த புத்தக கண்காட் சியை ஏற்பாடு செய்துள்ளது.
இந்தக் கண்காட்சி வடக்கு மாகாணத்தின் நூலகங்கள், சனசமூக நிலையங்களுக்கு நல்லதொரு வாய்ப்பாக அமையும். பாடசாலைகள் கூட தமது நூல கங்களுக்கு தேவையான புத்த கங்களை பெற்றுக்கொள்ள முடியும்.
புத்தக திருவிழா நடைபெ றும் தினங்களில் புத்தக வெளியீடுகள், அறிமுக நிகழ்வுகள், கலை - கலாசார நிகழ்வுகளும் நடைபெறவுள்ளன. இந்தக் கண்காட்சியை இலவசமாக பார்வையிடமுடியும் என்று தெரிவிக்கப்பட்டது.
இந்த ஊடக சந்திப்பில் யாழ்ப்பாண வர்த்தக தொழில் துறை மன்றத்தின் நிறைவேற்று இயக்குநர் கு. விக்னேஷ், வர்த்தக தொழில்துறை மன்ற தலைவர் கலாநிதி வாசுதேவன் இராசையா, உப தலைவர் கலாநிதி செல்லத்துரை திருமாறன் ஆகியோர் கலந்து கொண்டனர்.
