அம்பாறை கஞ்சிகுடிச்சாறு மாவீரர் துயிலும் இல்லத்துக்கு சென்ற எம்.பி கஜேந்திரகுமாருடன் பொலிஸார் முரண்பட்டனர்.
அம்பாறை கஞ்சிகுடிச்சாறு மாவீரர் துயிலும் இல்லத்துக்கு சென்ற பாராளுமன்ற உறுப்பினர் கஜேந்திரகுமார் பொன்னம்பலத்துடன் நேற்று பொலிஸார் முரண்பட்டதுடன் பதற்ற நிலையும் ஏற்பட்டது.
அம்பாறை திருக்கோவில் பிரதேச செயலாளர் பிரிவுக்குட்பட்ட கஞ்சிகுடிச்சாறு மாவீரர் துயிலும் இல்லத்தில் நேற்று மாவீரர் நினைவேந்தல் நடைபெற்றது.
நேற்று இம் மாவீரர் துயிலும் இல்லத் தில் மாவீரர் நாள் உணர்வு பூர்வமாக முன்னெடுக்கப்பட்டது.
நேற்று மாலை 6.05 நிமிடத்தில் மாவீரர்களுக்கான பொதுச் சுடர் ஏற்றி நினைவேந்தல் மேற்கொள்ளப்பட்டது.
அத்துடன் மாவீரர் நினைவேந்தலை அனுஷ்டிக்க அனுர அரசு இடமளிக்கும் என்று நம்பிக்கையுடன் அங்கு சென்ற மக்களிடம் பொலிஸார் பாதுகாப்புக் கெடுபிடிகளை விதித்து அங்கு செல்வதை தடுக்க முற்பட்டனர்.
அத்துடன் அங்கு சென்ற வாகனங்களின் இலக்கங்கள் பொலிஸாரினால் பதியப்பட்ட பின்னர் குறித்த மாவீரர் துயிலும் இல்லத்துக்கு மக்கள் செல்ல அனுமதிக்கப்பட்டனர்.
அங்கு சென்ற பாராளுமன்ற உறுப்பினர் கஜேந்திரகுமார் பொன்னம்பலத்துடன் பொலிஸார் முரண்பட்டனர்.
அண்மைய பதிவுகள்
