வவுனியாவில் வானில் கடத்தப்பட்ட குடும்ப பெண் பளையில் மீட்கப்பட்ட நிலையில் வானுடன் 4 பேர் கைது செய்யப்பட்டுள்ளதாக வவுனியா பொலிஸார் தெரிவித்தனர்.

வவுனியாவில் வானில் கடத்தப்பட்ட குடும்ப பெண் பளையில் மீட்கப்பட்ட நிலையில் வானுடன் 4 பேர் கைது செய்யப்பட்டுள்ளதாக  வவுனியா பொலிஸார் தெரிவித்தனர்.

வவுனியா, கொக்குவெளி, அரசடி வீதியில் வசித்து வந்த குடும்ப பெண் ஒருவரை யாழ்ப்பாணத்தில் இருந்து வான் ஒன்றில் வந்த குழுவினர் கடத்திச் சென்றுள்ளனர். வீட்டில் இருந்த பெண்ணின் மாமியார் பெண்ணை தூக்கிச் சென்றவர்களை விரட்டிய போது அவரை உதைந்து நிலத்தில் விழுத்தி விட்டு சென்றுள்ளனர்.

அதன் பின் மாமியார் வவுனியா தலைமைப் பொலிஸ் நிலையக் குற்றத்தடுப்பு பிரிவில் செய்த முறைப்பாட்டுக்கு அமைய, தலைமைப் பொலிஸ் நிலையப் பொறுப்பதிகாரியின் வழிகாட்டலில் குற்றத்தடுப்பு பிரிவு பொறுப்பதிகாரி ஹேமந்த தலைமையில் சப் இன்ஸ்பெக்டர் அகமட், பொலிஸ் சார்ஜன்ட் திலீபன் (61461), பொலிஸ் கொன்தா பிள்களான தயாளன் (91792), ரணில் (81010) கால்கே (9200) உள்ளடங்கிய பொலிஸ் குழுவினர் விரைந்து செயற்பட்டனர்.

பொலிஸார் அந்த வாகனம் சென்ற பாதையைப் பின் தொடர்ந்து சென்று வாகனத்தை பளைப் பகுதியில் வைத்து மடக்கிப் பிடித்துள்ளனர்.அந்தப் பெண்ணையும் மீட்டுள்ளனர்.

இதன்போது கடத்தலுக்கு பயன்படுத்திய வாகனம் பொலி ஸாரால் கைப்பற்றப்பட்டுள்ளதுடன். நான்கு இளைஞர்களும் கைது செய்யப்பட்டுள்ளனர். மணியந்தோட்டம், இருபாலை, சுன்னாகம் ஆகிய பகுதிகளைச் சேர்ந்த நான்கு இளைஞர்களே இவ்வாறு கைது செய்யப்பட்டுள்ளனர்.

மேலதிக விசாரணைகளின் பின் நான்கு பேரையும் நீதிமன்றில் முற்படுத்த பொலிஸார் நடவடிக்கை எடுத்துள்ளனர்.